Tuesday, October 9, 2012
Tuesday, July 17, 2012
నా గురించి నేను నాలుగు మాటల్లో...
చిన్నప్పటి నుంచీ చిన్న చిన్న కవితలు, కథలు రాసే అలవాటు ఉన్న నేను ఎప్పుడూ వాటికి ఒక గుర్తింపు వచ్చే దిశ గా ప్రయత్నం చెయ్యలేదు. చదువు, ఉద్యోగం, పెళ్లి, పిల్లలు లాంటి వాటితో నేనూ మీలానే కాలం తో పరిగెడుతూ వచ్చాను. కానీ ఖాళీ ఉన్నప్పుడల్లా కలం పట్టి కవితలు కథలు రాసేదాన్ని అలా రాసిన కొన్ని కథలని మీతో పంచుకోవాలనుకుంటున్నాను. అందులో భాగమే నా తొలి రచన ఈ అదే నేను
ఆలోచనల ఇన్ పుట్ ని మనసులో ప్రాసెస్సింగ్ చేసి వచ్చిన అవుట్ పుట్ ని మీ ముందు ఉంచుతున్నాను.
మీ...
రత్నప్రభ ..
Monday, July 16, 2012
అర్థ రాత్రి నిద్ర పోనీ అల్లరి పిల్లలతో వేగే అమ్మలకి నాన్నలకి ఈ చిన్ని కవిత అంకితం...
పగలే వెన్నెల కురిపించాడో కవి...
నీ నవ్వుల నదీ ప్రవాహం తో అమావాస్య నడి రేయి సైతం పండు వెన్నెల చిలికి .....తొలి పొద్దు ముద్ద మందారాలు విరబూసాయి.....
కాని నిద్దర లేక మెదళ్ళు మొద్దు బారాయి...
నీ ఆటల పాటల అరుపుల మెరుపులు వినసొంపులే...
కాని వాటిలో ములిగి ఒడలు మరిచి మాడ్చిన దోసెలు తినసొంపులు కావే....
తొలి నాటి బడి లో బుడి బుడి అడుగుల బుజ్జాయి పలుకుల్లాంటి నీ చిరు "ఉ" కారాలు "అ" కారాలు వీక్షనానందలే......
కాని విసిగి వేసారి వేసే విరుపుల అరుపుల కేకలు మాత్రం కర్ణభేరి పాలిట మేకులే..
యశోదా తనయ చిన్ని కన్నయ్య లీలల లాంటి నీ క్రీడా గాథల మాలిక మామ్మ తాతల కి కలకండ పలుకులే......
కాని నీ ముద్దుల లీలల మాలల అల్లిక అమ్మ నాన్నలకి అందని మెలిక...
Subscribe to:
Posts (Atom)